香港新浪網 MySinaBlog 精選話題工具
« 上一篇 | 下一篇 »
子淘 | 22nd Jan 2007 | 笑話連篇 | (4114 Reads)

Picture

全宇宙最巴閉的信用卡,叫做AE黑卡,聽說至少年薪三千萬才有機會獲AE邀請成為會員。AE黑卡有個全能助理服務,會員可要求把星星月亮擇下來裝飾聖誕樹,又可約會ET外星人共享太空餐遊火箭河。不過,AE最大功能,原來是用來嚇人,請看看以下一段對話﹕

X: Y先生你好呀,無呀,想知你係咪有黑卡之嘛﹖

Y: 嘿﹗七幾年時我已經用金卡啦﹗人地用金卡時,我已用AE金卡,人地揸ben屎,我就揸撈屎宜家興黑卡嘛,我緊係有啦﹗

X: 咁你有無用咩特別服務﹖

Y: 緊係有啦,但D私人野就唔好講喇。不過,有次我將AE送俾我個黑卡badge掛在高爾夫球袋上面,有個朋友睇到,佢話唔信我有黑卡,話我充大頭鬼喎,話油王先會有黑卡喎,我就拿出來撻俾佢睇,他即時嚇到眼癱癱﹗

X(滴汗):

Y(沾沾自喜): 你又知我有既﹖X: 我覺得…你實有既﹗Y: 緊係啦,我地呢D有食力架嘛。

(如有雷同,實屬巧合)

 雖然我沒有AE黑卡,不過我都有一張卡可以把人嚇到眼癱癱﹗

今日,我的assignment是在銅鑼灣遊蕩,遊了粒幾鐘,居然連續給星探發掘兩次﹗

先來一個後生仔,他說他是某某模特兒公司blah blah blah,我沒等他講完,就拿出記者證,他即刻嚇到屁滾尿流,說了句Sorry便一溜煙地彈開了。

 然後來個後生女,又說是某某模特兒公司,又是那麼一模一樣的開場白,我已不耐煩聽她說甚麼,便二話不說就送她一張卡片。說完,她比剛才那個後生仔鎮定,竟回敬我一張她的名片,然後向後踏了一步說﹕「我們有消息會通知你﹗」說完,她又再向後踏多一步,本來準備轉身離開,卻像還有點不放心說﹕「我們是『真』的模特兒公司啊﹗」以為她應該說完了吧,是時候轉身走了吧,誰知她還是不捨得,再踏後一步說﹕「我們真的不是那些乜乜乜班,我地好出名架,拜拜﹗」 

拜拜﹗點解你地無個係真心想發掘我既呢﹖嗚…嗚…嗚……  

留言(5) | 引用(0) | 話題(笑話)

[5]

哈~哈~哈~


[引用] | 作者 John | 31st Jan 2007 | [舉報垃圾留言]

[4]

喂… 你真係寫左眼癱癱事件出來? 我真係睇到眼癱癱emoticon

至於星探事件,可能佢真的想發掘你,驚為天人之下,一時不知如何反應,才出現眼癱癱的神情。

祝你多蒲銅鑼bay,遲早有紅的一day。


[引用] | 作者 狗製陳皮 | 27th Jan 2007 | [舉報垃圾留言]

[3]

世上很多人都習慣了相信權威, 相信標籤, 相信名牌. 愈來愈少人自己去觀察分析, 離事物的本質愈來愈遠. 而且權威背後的真正目的, 很少人會發現, 其實並不可愛.


[引用] | 作者 克魯爾德 | 23rd Jan 2007 | [舉報垃圾留言]

[2] 真心話

到底呢個世界﹐有無唔呃人既星探﹗﹗真係想收埋個證﹐當佢講真心話=_=


[引用] | 作者 子淘 | 23rd Jan 2007 | [舉報垃圾留言]

[1]

哈~~~~~!
我路過,亦曾經被星探"睇中",因為我都係做傳媒(雖然唔係記者),但攞張公司證出o黎,因為佢地都唔識分邊d至係記者,嚇到馬上走夾唔唞!:p


[引用] | 作者 重案16 | 23rd Jan 2007 | [舉報垃圾留言]